Tamil vidukathaigal -09 – Best Vidukathaigal in Tamil

ஓவென்று உயர்ந்த மலை நடுவே உடன்பிறப்பு இருவர் , ஒருவரை மற்றவர் பார்ப்பதுமில்லை , பேசுவதும் இல்லை , அவர்கள் யார் ?

அடித்தாலும் உதைத்தாலும் அவன் அழ மாட்டான் அவன் யார் ?

எவர் கையிலும் சிக்காத கல் எங்கும் விற்காத கல் , அதுஎன்ன ?

ஓடுவான் வருவான் ஒற்றை காலில் நிற்பான் . அவன் யார் ?

கூரை வீட்டை பிரித்தால் ஓட்டு வீடு , ஓட்டு வீட்டுக்குள்ளே வெள்ளை மாளிகை , வெள்ளை மாளிகையின் நடுவே ஒரு குளம் அது என்ன ?

பல் துலக்காதவனுக்கு உடம்பு எல்லாம் பற்கள் அது என்ன ?

கையளவு உடம்புக்காரன் , காவலுக்கு கெட்டிக்காரன் . அவன் யார் ?

அதட்டுவான் , அலறுவான் ஆனால் கோட்டையை விட்டு வர மாட்டான் .அவன் யார் ?

ஒரு புட்டியில் இரண்டு தைலம் . அது என்ன ?

நீல வால் குதிரையின் வால் , ஓட ஓட குறையும் . அது என்ன ?

தாய் குப்பையிலே , மகள் சந்தையிலே . அது என்ன ?

நான்கு கால்கள் உள்ளவன் , இரண்டு கைகள் உள்ளவன் , உட்கார்ந்து கொண்டிருப்பான் , உட்கார இடம் கொடுப்பான் . அவன் யார் ?

வளைந்து நெளிந்து செல்பவள் , வழியெங்கும் தாகம் தீர்ப்பாள் அவள் யார் ?

ஆனை விரும்பும் , சேனை விரும்பும் , அடித்தால் வலிக்கும் , கடித்தால் சுவைக்கும் , அது என்ன ?

உரச உரச குழைவான் , பூச பூச மனப்பான் அவன் யார் ?